Siklaloti

Judul	:	Siklaloti: Rubrik “Kusu-Kusu” Jurnal Sastra Santarang 2012-2020
Penulis	:	Amanche Franck Oe Ninu
Penyunting	:	Mario F. Lawi
Penerbit	:	Perkumpulan Komunitas Sastra Dusun Flobamora
Tahun Cetak	:	2021
Halaman	:	194
ISBN	:	978-623-969911-0-3
Harga	:	Rp. 85.000
Status	:	Ada

 

Malam-malam pas ayam dong nae di pohon ko kukuru’u, beta dengar Mam Dorce batarea takuju. Mansia satu kampong lari kaluar, kira mamatua ada kerasukan ko apa. Padahal dia pung ana Titus kasi takuju dia. Karmana ko sonde takuju, ini ana pi gagunting dia pung rambut mirip ke’ babi ada kana cukur tu. Mau tipis kiri na, mau tipis kanan na, tarus dia pung belakang ada gambar ular Liuksaen. Beta dengar bilang Titus ada iko itu kalompok bagoyang, dia pung nama safel. Bilang itu kelompok manari yang siklaloti sana, siklaloti sini. (Amanche Franck Oe Ninu, “Siklaloti”)

“Talalu untung kalau orang bisa tulis dalam bahasa Melayu Kupang ke “kusu-kusu” ini. Keuntungan bahasa dituliskan adalah orang bisa telusuri dia pung perkembangan dari masa ke masa. Menulis bukan sa jadi sarana untuk komunikasi, tapi ju jadi sarana untuk menghargai dan melestarikan. Kotong harus tulis apa yang kotong omong, bukan omong laen tulis laen.” (Matheos Viktor Messakh)

Ini tulisan basong bisa anggap sama ke naskah stand up, karena banyak cerita lucu di dalam ini buku yang besong bisa pake jadi bahan maen gila deng besong pung kawan. Ma sebenarnya ini buku ni isinya Romo Amanche pung kumpulan esai bahasa Kupang di rubrik “Kusu-kusu” Jurnal Santarang. Romo omong tentang banyak hal di itu tulisan dong, mulai dari masalah sosial, pendidikan, sampe masalah kesenian. Romo sering pake tokoh-tokoh biar dia pung tulisan model cerita, biar ko dari itu cerita dong besong bisa tangkap Romo pung jalan pikiran.